«Медеу-Шымбұлақ» тау кешеніне экскурсия

«Медеу» мұз айдыны Медеу шатқалында, теңіз деңгейінен 1691 метр биіктікте орналасқан әлемдегі ең жоғары таулы мұз айдындарының бірі болып табылады. 1972 жылы салынған бұл кешенде конькимен жүгіру спортынан 100-ден астам әлемдік рекорд орнатылған және ол бүгінгі күнге дейін мұз спортының басты орталығы болып келеді. Алатау тауларының бөктеріндегі таңғажайып көрініспен көмкерілген мұз айдыны — жыл бойы демалуға арналған сүйікті орындардың бірі.

«Шымбұлақ» тау-шаңғы курорты — қысқы спорт түрлерін, альпілік шытырман оқиғаларды және табиғаттың сұлулығын ұштастырған әлемдік деңгейдегі мекен. Теңіз деңгейінен 2200 метр биіктікте орналасқан Шымбұлақ шаңғы тебу мен сноубордингке арналған жоғары сапалы трассаларымен танымал. Мұнда жаңадан бастаушыларға да, орта деңгейдегі лыжашыларға да және тәжірибелі кәсіпқойларға да арналған арнайы беткейлер бар. Жаз мезгілінде Шымбұлақ белсенді демалысты ұнататындар үшін нағыз жұмаққа айналады. Бұл жер альпілік шалғындарға, көлдерге және ғажайып шолу алаңдарына апаратын соқпақтарымен жаяу серуендеуге (треккинг) өте қолайлы.

Қала бойынша панорамалық экскурсия

Қазақстанның ең үлкен қаласы — Алматы бай тарихқа, байырғы мәдениетке және әсем табиғатқа толы. Қала бойынша экскурсия барысында сіз келесі көрікті орындарға барасыз:

28 гвардияшы-панфиловшылар саябағы

Қала орталығында орналасқан бұл саябақ Екінші дүниежүзілік соғыста ерлік көрсеткен Алматылық сарбаздарға — панфиловшыларға арналған. Саябақта әлемдегі ең биік ағаш ғимараттардың бірі — Зенков шіркеуі (Вознесенский кафедралы соборы) және соғыста қаза тапқан сарбаздардың рухына бағышталған Әскери мемориал орналасқан.

Республика алаңы және Тәуелсіздік монументі

Алматының ең маңызды қоғамдық орындарының бірі. Алаң айналасында маңызды ғимараттар, соның ішінде Қала әкімдігі орналасқан, ал орталық бөлігінде Тәуелсіздік монументі бой көтерген. Бұл монумент Қазақстанның Кеңес Одағынан алған тәуелсіздігіне және елдің егемендікке жеткен тарихи жолына арналған.

Көктөбе төбесіне саяхат және Алматының әлемге танымал аспалы жолдарымен серуендеу

Көктөбе төбесі — теңіз деңгейінен 1100 метр биіктікте орналасқан, қаланың таңғажайып панорамалық көрінісі ашылатын танымал да көрікті мекен. Көктөбе шыңында келбетті телемұнара, аттракциондар паркі, кафелер мен демалыс аймақтары бар. Сонымен қатар бұл жерде ескерткіш сыйлықтар мен жергілікті қолөнершілердің бұйымдары сатылатын шағын дүкендер орналасқан.

Тур бағасына кіреді:

Экскурсиялар барысындағы жеке (индивидуалды) трансфер қызметі, кәсіби гидтің қызметі, бағдарламаға сәйкес кіру билеттері, ауызсу.

Қосымша төленеді:

Жеке шығындар, қосымша іс-шаралар, әуе билеттері, тамақтану, алкогольді ішімдіктер, «Тур бағасына кіреді» бөлімінде көрсетілмеген басқа да кез келген қызметтер.